अत्याचारास बळी ठरणाऱ्‍या अनुसूचित जाती व अनुसूचित जमातीच्या कुटूंबातील सदस्यांना अर्थसहाय्य देण्याची योजना

केंद्र पुरस्कृत योजना (50%राज्य व 50% केंद्र)

शासन निर्णय

• शासन निर्णय क्र.युटीए-1095/प्र.क्र.169/मावक-2, दि.24.09.1997
• शासन निर्णय क्र.युटीए-2016/प्र.क्र.298/सामासू, दि.23.12.2016

योजनेचा मुख्य उद्देश

नागरी हक्क संरक्षण अधिनियम-1955 अन्वये अस्पृश्यता पाळणे व ती पाळण्यास उत्तेजन देणे हा गुन्हा समजण्यात आला असून त्यासाठी शिक्षेची तरतूद करण्यात आलेली आहे. अनुसूचित जाती,अनुसूचित जमातीच्या व्यक्तीवर होणा-या अत्याचारांना पायबंद घालण्यासाठी अनुसूचित जाती, अनुसूचित जमाती (अत्याचारास प्रतिबंध) अधिनियम-1989 व सुधारीत नियम, 1995 हा कायदा लागू करण्यात आलेला आहे. जातीयतेच्या कारणावरुन अत्याचारास बळी पडलेल्या अनुसूचित जाती, अनुसूचित जमाती सदस्यांना अर्थ सहाय्य देऊन त्यांचे पुर्नवसन करणे

योजनेच्या प्रमुख अटी

• जातीयतेच्या कारणावरुन अनुसूचित जाती,अनुसूचित जमातीच्या कुटूंबावर/ व्यक्तीवर अत्याचार झाल्यास सदर गुन्ह्याची नोंद नागरी हक्क संरक्षण अधिनियम-1955 व अनुसूचित जाती, अनुसूचित जमाती (अत्याचारास प्रतिबंध) अधिनियम-1989 खाली होणे आवश्यक,
• वैद्यकीय प्रमाणपत्र (आवश्यक त्या गुन्ह्यात)
• जातीचा दाखला (सर्व गुन्हे)

लाभाचे स्वरुप

• रु.0.85 लक्ष ते रु.8.25 लक्ष

संपर्क

संबंधित जिल्हयाचे सहाय्यक आयुक्त, समाज कल्याण

लाभार्थी:

वर नमूद केल्याप्रमाणे

फायदे:

वर नमूद केल्याप्रमाणे

अर्ज कसा करावा

संबंधित विभागाशी संपर्क साधा