माध्यमिक शाळेत शिकत असलेल्या मागासवर्गीय विद्यार्थ्यांना शिष्यवृत्ती.

शासन निर्णय

सामाजिक न्याय व सांस्कृतिक कार्य विभाग शासन निर्णय क्रं.इबीसी-1094/प्र.क्र.109/ मावक-2, दि.17 ऑगस्ट, 1995

योजनेचा उद्देश

इयत्ता 5 वी ते 7 वी मधील दोन गुणवत्ता धारक मागासवर्गीय विद्यार्थ्यांना तसेच इयत्ता 8 वी ते 10 वी मध्ये शिक्षण घेणा-या पहील्या दोन मागासवर्गीय विद्यार्थ्यांना शिष्यवृत्ती दिली जाते.

पात्रतेचे निकष

• मान्यताप्राप्त प्राथमिक / माध्यमिक शाळेतील इ. 5वी ते 10वी च्या वर्गामध्ये शिकणा-या मागासवर्गीय विद्यार्थी असावा.
• ही शिष्यवृत्ती मागील वार्षिक परिक्षेत कमीत-कमी 50 % व त्याहून अधिक गुण मिळवूण मागासवर्गीय विद्यार्थ्यांमधुन प्रथम व द्वितीय क्रमांकात उत्तीर्ण झालेल्या गुणवत्ता प्रदान मागासवर्गीय विद्यार्थ्यांना मंजूर करण्यात येईल.
• या शिष्यवृत्तीसाठी मागासवर्गीय विद्यार्थ्यांना उत्पन्नाची अट नाही.
• ही शिष्यवृत्ती मिळण्यासाठी मागासवर्गीय विद्यार्थ्यांना अर्ज करण्याची आवश्यकता नसते.

लाभाचे स्वरुप

• इयत्ता 5 वी ते 7 वी च्या विद्यार्थ्यांना दरमहा 50 रुपये (500 रुपये 10 महीन्यासाठी) आणि इयत्ता 8 वी ते 10 वी च्या विद्यार्थ्यांना दरमहा 100 रुपये (1000 रुपये 10 महीन्यासाठी)

अर्जावर होणारी प्रक्रिया

संबंधित शाळेमधून विद्यार्थ्याचा ऑनलाईन अर्ज भरुन तो अर्ज संबंधित तालुक्याच्या गटशिक्षणाधिकारी यांचेकडे ऑनलाईन पध्दतीने सादर केले जातात.
गटशिक्षणाधिकारी यांचेकडून अर्ज व कागदपत्राची छाननी करुन सदरचे अर्ज संबंधित जिल्हयाच्या जिल्हा समाज कल्याण अधिकारी, जिल्हा परिषद यांचेकडे ऑनलाईन पध्दतीने सादर केले जातात.
जिल्हा समाज कल्याण, जिल्हा परिषद यांचेकडून अर्ज मंजूर होऊन सदर विद्यार्थ्याची शिष्यवृत्तीची रक्कम संबंधित विद्यार्थ्याच्या बँक खात्यात महाडीबीटी प्रणालीद्वारे जमा करण्यात येते.

संपर्क कार्यालय

संबधित जिल्हयाचे जिल्हा समाज कल्याण अधिकारी आणि शाळेचे मुख्याध्यापक
अर्जाचा नमुना या योजनेसाठीhttps://prematric.mahait.org/login/login या वेबसाईटवर शाळेच्या मुख्याध्यापकांनी ऑनलाईन अर्ज भरणे आवश्यक

लाभार्थी:

वर नमूद केल्याप्रमाणे

फायदे:

वर नमूद केल्याप्रमाणे